Shymkentte dárigerler júregi toqtap qalǵan júkti áıeldi aman alyp qaldy

<p>ShYMKENT. KAZINFORM - Shymkentte turatyn júkti áıel shuǵyl túrde №2 qalalyq aýrýhananyń perzenthanasyna jetkizildi. Densaýlyq saqtaý mınıstrligi baspasóz qyzmetiniń málimetinshe, ol qatty qan ketýmen, 3-shi dárejeli gemorragııalyq shok jaǵdaıynda kelip túsken.</p>

Operatsııalyq ústelde onyń júregi toqtap qaldy. Biraq quramynda anestezıologtar, akýsher-gınekologtar, operatsııalyq meıirgerler, transfýzıologtar bar dárigerler toby júrek-ókpe reanımatsııasyn sátti júrgizdi.

Negizgi ómirlik fýnktsııalaryn qalpyna keltirgennen keıin qan ketýdi toqtatý operatsııasy júrgizildi jáne dárigerler brıgadasynyń úılesimdi jáne joǵary bilikti is-qımyldarynyń arqasynda patsıenttiń ómirin saqtap qaldy.

Búgingi tańda bosanǵan áıel men sábıdiń jaǵdaıy qanaǵattanarlyq jáne olardy úıge shyǵarýǵa daıyndap jatyr.

Óskemende aıaldamada júregi toqtap qulap qalǵan ájeni dárigerler qutqaryp qalǵanyn jazǵan bolatynbyz.