Shymkentte dánekerleýshi bir otbasyn ólimnen qutqaryp qaldy

<p>ShYMKENT. KAZINFORM - Jedel járdem jeti mınýttan keıin kelgen. Dárigerlerdiń aıtýynsha, slesardyń shuǵyl áreketi bir otbasyn ólimnen aman alyp qaldy.</p>

Oqıǵa 14 qazan kúni boldy. Dánekerleýshi Ermahan Manqaraev shaqyrtý boıynsha páterdegi gaz jabdyǵyn tekserý kelgen. Jumys barysynda ol kómirtegi totyǵynyń qaýipti deńgeıin anyqtap, dereý shara qoldanǵan. Sodan kórshi páter ishinen álsiz daýysty estigen. Qosalqy kilt arqyly esikti ashyp kirgende, es-tússiz jatqan balalardy jáne aýyr haldegi anany kórgen.

Ermahan Manqaraev birden gaz aspaptaryn sóndirip, terezelerdi ashyp, balalardy qutqarýǵa kirisken. Balalardyń biri aýyr qalde bolǵandyqtan, slesar dereý júrekke jabyq massajyn jasaǵan.

«Men balalardy taza aýamen demalýy úshin ashyq terezeniń janyna jatqyzdym jáne ákesin shaqyrdym, ol da esinen tanǵandaı edi. Al analarymen páter ıesi men kórshisi aınalysty», - deıdi dánekerleýshi.

Zardap shekken otbasy músheleri Ermahan men basqa da kómek kórsetken jandarǵa alǵysyn bildirdi.

«Eger Ermahan aǵa jáne basqalar bolmaǵanda, biz qazir tiri bolmas edik», — dedi balalardyń anasy.

Shymkent qalasynyń ákimi Ǵabıt Syzdyqbekov óziniń batyldyǵy men jedel áreketiniń arqasynda eki kishkentaı balasy bar otbasynyń ómirin aman alyp qalǵan dánekerleýshi Ermahan Mańqaraevty saltanatty túrde marapattady. Qala ákimi qaıǵyly oqıǵanyń aldyn alǵan gaz qyzmetkeriniń qyraǵylyǵy men kásibıligin atap ótip, alǵysyn bildirdi.