Shymkentte bıýdjet qarajatyn jymqyryp, páter satyp alǵan laýazymdy adamdar ustaldy

<p><strong>ShYMKENT. KAZINFORM &mdash;</strong><strong> </strong><strong>Qarjylyq monıtorıng agenttigi qylmystyq jolmen alynǵan 358 mıllıon teńgeden astam qarajatqa satyp alynǵan jyljymaıtyn múlikti memleket kirisine tárkiledi. </strong></p>

QMA Shymkent qalasy boıynsha departamenti óńirdiń laýazymdy tulǵalaryna jáne «Qýatjylýortalyq-3» MKK-ǵa qatysty smetalyq qunyn arttyrý, sondaı-aq naqty oryndalmaǵan jumystar úshin aqy tóleý arqyly qaladaǵy jylý jelileri men elektr berý jelilerine jóndeý júrgizýge bólingen 1,1 mıllıard teńgeden astam bıýdjet qarajatyn jymqyrý faktisi boıynsha sotqa deıingi tergeýdi aıaqtady.

Sonymen qatar, kúdiktiler laýazymdy adamdar urlanǵan qarajatty jylystatý úshin «qolma-qol aqsha jasaýshylar» tobyn tartty. Olar 7% mólsherinde aqshalaı syıaqy úshin bógde tulǵalarǵa resimdelgen 24 kúmándi kásiporyn arqyly taýarlardy jetkizý jáne qyzmet kórsetý jónindegi mámileler týraly jalǵan qujattar (shot-faktýralar, júkqujattar, oryndalǵan jumys aktileri, sharttar) usyndy. Paralleldi qarjylyq tergeý sheńberinde qylmystyq jolmen alynǵan qarajatqa satyp alynǵan jyljymaıtyn múlikter, atap aıtqanda, Shymkent jáne Astana qalalaryndaǵy 2 páter, 1 turaq orny, Shymkent qalasyndaǵy 3 jeke úı jáne bank shottaryndaǵy tyıym salynǵan 50 mıllıon teńge anyqtalyp, tárkileý maqsatynda sot sanktsııasymen tyıym salyndy.

Sot úkimimen barlyq jeti aıyptalýshy 2 jyldan 7,5 jylǵa deıin bas bostandyǵynan aıyryldy.

Shymkentte jekemenshiktegi keıbir áleýmettik nysandar memleketke qaıtarylyp jatqanyn jazǵan bolatynbyz.