Shymkentte birshama kóp qabatty turǵyn úıler jylý júıesi men ystyq sýdan ajyratyldy
Qalalyq ákimdik tarapynan taratylǵan aqparatqa súıensek, A. Baıtursynov pen Mádeli qoja kósheleriniń qıylysynda dıametri 159 mm bolatyn jylý qubyrynan aqaý shyqqan. Saldarynan «K-24» qazandyǵynan jylý alatyn Álimbetov kóshesi № 45 «B», Mádeli qoja kóshesi № 48, Qonaev dańǵylyndaǵy № 63 kópqabatty turǵyn úıler ýaqytsha jylý júıesi men ystyq sýdan ajyratyldy.
Sondaı-aq, Turan-1 móltek aýdanyndaǵy № 36 jáne № 26 kópqabatty turǵyn úılerdi jylýmen qamtamasyz etetin ishki oramdyq jylý jelilerinde de (dıametri 133 mm) aqaý shyqqan. Aqaýdy qalpyna keltirý úshin Turan-1 shaǵyn aýdanyndaǵy 359/26, 359/28, 359/36, 359/31, 359/30 kópqabatty turǵyn úılerge ýaqytsha jylý men ystyq sý berý toqtatyldy.
«Qazirgi ýaqytta „Qýatjylýortalyq-3“ MKK-nyń mamandary tarapynan 4 brıgada jáne 5 tehnıka jasaqtalyp, qalpyna keltirý jumystary júrgizilip jatyr. Qala ákimi Ǵabıt Syzdyqbekov aqaý shyqqan eki nysanǵa arnaıy baryp, jaǵdaıdy bilip, baqylaýyna aldy. Oǵan qosa, tıisti aýdan ákimdigi jáne „Qýatjylýortalyq-3“ MKK-y tarapynan atalǵan úılerdiń turǵyndaryna túsindirý jumystary júrgizildi» - delingen Shymkent qalasy ákimdigi taratqan aqparatta.