Shymkentte bir kóshe boıynda ornalasqan birneshe dúken janyp ketti
11:12, 17 Qańtar 2024
<p>ShYMKENT. KAZINFORM – Qurylys materıalyn satatyn dúken qoımalaryndaǵy kóptegen zattar órtke orandy.</p>
Ál-Farabı aýdanyna qarasty Áıteke bı kóshesiniń boıynda ornalasqan «Evrolıýks», «Garmonııa», «Marmorıt», «Medına» dúkenderi órtke orandy. Saldarynan qurylys materıaldaryn satatyn dúkenderderdiń satý oryndary men qoımalaryndaǵa zattar túgelge jýyq janyp ketti.
Órtti sóndirý jumystaryna Shymkent qalasy tótenshe jaǵdaılar departamentiniń 200–ge jýyq jeke quram qyzmetkeri men 38 tehnıkasy jumyldyryldy.
«Órt túngi saǵat 03:07 mınýtta oqshaýlanyp, saǵat 04:51 mınýtta tolyǵymen sóndirildi. Jalpy kólemi 2500 sharshy metrdi quraıtyn ǵımarattyń 1300 sharshy metri órtendi. Qaıtys bolǵandar men zardap shekkender joq», - delingen Shymkent qalasy TJD qoǵammen baılanys toby taratqan aqparatta.