Shymkentte bomba týraly jalǵan aqparat bergen azamat 1 jylǵa sottaldy

<p>Shymkentte bomba týraly jalǵan aqparat taratqan er adam 1 jyl túrmede otyratyn boldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Jalǵan aqparat taratqan kúdikti 49 jastaǵy Túrkistan oblysynyń turǵyny bolyp shyqty. Sottalýshy QR QK-niń 273-babynda kózdelgen qylmystyq quqyq buzýshylyqty jasaǵany úshin kináli dep tanylyp, sottyń sheshimimen 1 jylǵa bas bostandyǵynan aıryldy.

Tártip saqshylary terrorızm aktisi týraly kórineý jalǵan aqparat taratý qaýipti qylmys bolyp tabylatynyn jáne 5 myń aılyq eseptik kórsetkishke deıingi mólsherde aıyppul salýǵa nemese sol mólsherde túzeý jumystaryna tartýǵa, ne 5 jylǵa bas bostandyǵynan aıyrýǵa nemese shekteýge ákep soǵatynyn eskertedi.

«Polıtsııanyń «102» arnasyna qaladaǵy dámhanalardyń birine jarylǵysh zat qoıylǵany týraly qońyraý kelip tústi. Habarlamany alǵan polıtseıler dereý oqıǵa ornyna bardy. Quqyq qorǵaý organdary múddeli qyzmettermen birge ǵımarattan barlyq kelýshiler men qyzmetkerlerdi evakýatsııalady. Tekserý nátıjesinde qoǵamdyq tamaqtaný mekemesinen jarylǵysh zat tabylǵan joq» - delingen Shymkent qalasy polıtsııa departamentiniń baspasóz qyzmeti taratqan aqparatta.