Shymkentte beımálim dári ishken 15 jasar qyz sabaq ústinde qaıtys boldy

<p>ShYMKENT. KAZINFORM — 8-synyp oqýshysy úıinen belgisiz dári iship kelgenin qurbysyna aıtqan.</p>

Shymkent qalalyq bilim basqarmasynyń baspasóz qyzmeti taratqan aqparatqa súıensek, Nızamhan orta mektebiniń 8-synyp oqýshysy úıinen belgisiz dári iship kelgen.

Bul jaıynda ol qurbysyna aıtqan. Sodan ekinshi sabaqta esinen tanyp qalǵan.

Tarıh pániniń muǵalimi men synyp jetekshisi jedel járdem qyzmetin shaqyrǵan. 

«Mektep medbıkesi alǵashqy kómek kórsetti. Jedel járdem qyzmetkerleri zont arqyly asqazanyn shaıdy. Oqýshy ózin jaısyz sezingendikten aýrýhanaǵa jetkizildi. Ókinishke qaraı, 2009 jyly týǵan jasóspirim aýrýhananyń jansaqtaý bóliminde qaıtys boldy. Qazirgi tańda quzyrly organ ókilderi tergeý jumystaryn júrgizip jatyr» delingen vedomstvo aqparatynda.