Shymkentte balabaqsha esepshisi - kópbalaly áıel bıýdjet qarjysyn jymqyrǵany úshin sottaldy

<p>ASTANA. KAZINFORM - Shymkentte memleket qarajatyn jymqyrǵany úshin kópbalaly ana sottaldy. Ol balabaqsha esepshisi qyzmetin atqaryp júrip, kommýnaldyq tólemderge artyq aqsha bólip otyrǵan. Bul týraly jergilikti Otyrar.kz saıty jazdy.</p>

Osylaısha bes balanyń anasy óz shotyna 15 mln teńgeden astam qarjyny aýdaryp, memleketke asa iri mólsherde zalal keltirilgen. Onyń kinási sotta dáleldenip, 2 jylǵa bas bostandyǵynan aıyryldy.

«Sottalýshyǵa QK-niń 189-baby 4-bóliginiń 2-tarmaǵy, memlekettik fýnktsııalardy oryndaýǵa ýákilettik berilgen adamǵa teńestirilgen adam bola tura, óziniń qyzmet babyn paıdalanýmen ushtastyra otyryp ózine senip tapsyrylǵan bótenniń múlkin asa iri mólsherde ıelenip alý baby boıynsha aıyp taǵylǵan. Sottalýshynyń taǵylǵan aıyp boıynsha kinási is boıynsha jınaqtalǵan qujattarmen dáleldenedi», — dep jazdy Shymkent qalalyq sotynyń baspasóz qyzmeti.

Úkim zańdy kúshine engen joq.

Aıta keteıik, Shymkentten Astanaǵa bara jatqan júkti áıel poıyzda bosanyp qaldy.