Shymkentte baǵdarshamdardyń sekýndomerin nege alyp tastady
Jergilikti bılik jol-kólik oqıǵalarynyń aldyn alý úshin baǵdarshamdardaǵy ýaqytty alyp tastaýdy durys dep tapqan.
«Shymkentte kóshe qıylysyndaǵy baǵdarshamdardyń ýaqytty keri sanaý tablosy jol-kólik oqıǵalarynyń aldyn alý maqsatynda alynǵan. Sebebi qalanyń kóshe-jol jelisi boıynsha magıstraldy kóshelerdiń qıylysynda kólikter jıi qatty jyldamdyqpen soǵysady. ıAǵnı, júrgizýshiler sekýndomer boıynsha ýaqyttyń azaıyp jatqanyn kórip, tejeý men údeý qashyqtyǵyn eseptemeı, qıylystan ótý úshin jyldamdyqty asyrady. Sonymen qatar, qazirgi tańda keptelistiń aldyn alý maqsatynda baǵdarshamdardy ıntellektýaldy kólik júıesine qosý jumystary atqarylyp jatyr. Bul jaǵdaıda kóshe qıylysyndaǵy baǵdarsham nysandarynyń ýaqyty kólik aǵynyna qaraı avtomatty túrde ózgerip otyrady. Al, ıntellektýaldy kólik júıesine avtomatty túrde qosylmaıtyn baǵdarshamdardaǵy keri sanaý tablolary alynǵan» delingen Shymkent jolaýshylar kóligi jáne avtomobıl joldary basqarmasy usynǵan aqparatta.
Bul júıe júrgizýshiler úshin tosyn jańalyq bolyp otyr. Tipti, kólik tizgindeýshilerdiń ishinde úırenise almaı jatqandar da bar.
«Júrgizýshilerge sekýndomer kerek edi. Qaı kezde toqtaımyz, qaı kezde júremiz, bárin baqylap, soǵan saı áreket etip otyratyn edik», — deıdi qala turǵyny Almas Isauly.
Shymkent qalasy polıtsııa departamentiniń jergilikti polıtsııa qyzmeti basqarmasy usynǵan aqparatqa súıensek, qala aýmaǵynda jol-kólik oqıǵasy 4 ese ósken.
ıAǵnı, ótken jyldyń sáıkes merziminde 303 apat tirkelse, bıyl bul kórsetkish 1205-ke deıin artyp otyr. Al, jol erejesin buzýshylarǵa 771 743 ákimshilik hattama toltyrylǵan.
«Avtokólik sanynyń artýy jáne jol qozǵalysyna qatysýshylardyń erejeni saqtamaýy jol-kólik oqıǵalarynyń artýyna sebep bolyp otyr. Jol-kólik oqıǵalaryn tómendetý jáne kóliktik tártipti arttyrý maqsatynda jedel-profılaktıkalyq is-sharalar únemi uıymdastyrylyp keledi. Atap aıtar bolsaq, polıtsııa departamenti tarapynan „Tasymaldaýshy“, „Avtobýs“, „Mototsıkl“, „Qaýipsiz jol“, „Jaıaý júrgizýshi“ jedel-profılaktıkalyq sharalary men „Sizdiń jolaýshyńyz — bala“ aktsııasy ótkizildi. Jol qaýipsizdigin qamtamasyz etý baǵytynda týyndaǵan problemalyq máseleler Shymkent qalasynyń ákimdiginde múddeli mekemelerdiń qatysýymen apta saıyn talqylanyp júr» — deıdi Shymkent qalasy polıtsııa departamentinen.