Shymkentte áýejaı mańyndaǵy úıler buzylmaıtyn boldy

<p>Shymkent áýejaıynyń mańyndaǵy baspanalar buzylmaıtyn boldy. Bul týraly Shymkent qalasy ákimdigi málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Shymkent qalasyndaǵy áýejaıdyń sanıtarlyq qorǵaý aımaǵynda ornalasqan nysandarǵa qatysty sheshimi ózgerdi.

Tıisti quqyqtyq-normatıvtik aktiler boıynsha áýejaıdyń sanıtarlyq qorǵaý aımaǵy 100 metrge deıingi qashyqtyqty alyp jatýy tıis.

Oǵan áýejaı mańyndaǵy 139 gektar jer kiredi.

Sonymen qatar, atalǵan aımaqtaǵy 307 jer teliminde turǵyn úıler ornalasqan.

Atalǵan máseleni sheshý úshin 307 jer telimin memleket muqtajyna qaıtaryp alý jóninde qaýly qabyldanǵan bolatyn.

«Baǵalaý jumysy bul maqsatqa 30 mlrd teńge qajet ekenin kórsetti. ıAǵnı, memleket muqtajyna qaıtaryp alýdyń qala bıýdjetine salmaq túsiretini belgili boldy. Shymkent áýejaıyna sanıtarlyq qaýipsizdikti qamtamasyz etetin qashyqtyqtan jańa ushý-qoný jolaǵyn salý jóninde sheshim qabyldandy. Osyǵan oraı jobalyq-smetalyq qujattardy ázirleý úshin „Qazaq City Stroy“ JShS-men memorandým túzildi. Áýejaıdaǵy jańa ushý-qoný jolaǵynyń uzyndyǵy — 3 300 metr, al eni — 45 metr bolady. Nátıjesinde halyqtyń baspanasy buzylmaıdy. Memleket qarjysy da únemdelip, áýejaıda zamanaýı ushyp-qoný jolaǵy salynady» delingen Shymkent qalasy ákimdigi taratqan aqparatta.