Shymkentte Atambaı, Musa, Múslim atty úshem dúnıege keldi

<p>ShYMKENT. KAZINFORM - №2 qalalyq aýrýhanaǵa qarasty perzenthana dárigerleri merziminen buryn týǵan sábılerdi kútip-baptap búgin shańyraǵyna shyǵaryp saldy.&nbsp;</p>

Nargıza Áshirmetovany dárigerler 2 aqpan kúni kesir tiligi arqyly bosandyryp alǵan.

31 jastaǵy qala turǵynynyń bul — tórtinshi ret qursaq kóterýi. 

Úshemge júkti ekenin jas ana júktiliginiń alǵashqy aptasynda bilgen.

Foto: Shymkent densaýlyq saqtaý basqarmasy

33 aptada, ıaǵnı aıy-kúni tolmaı týylǵan sábılerdiń ókpesi durys damymaı týǵan nárestelerdiń úsheýi birdeı jasandy tynys alý apparatyna qosylǵan.

Perzenthana dárigerleriniń qatań baqylaýynda bolǵan nárestelerdiń árqaısysy osy ýaqyt ishinde 2 keliden asa salmaq qosqan.

Úshemdi ata anasy Atambaı, Musa, Múslim dep ataǵan.

Densaýlyq jaǵdaıy jaqsarǵan úshem men anasyn dárigerler búgin syılyq tabys etip, úıine shyǵaryp saldy.

Foto: Shymkent densaýlyq saqtaý basqarmasy

Aıta keteıik, jyl basynan beri qalada 4911 sábı dúnıege kelgen. Onyń 2493 — ul bala bolsa, 2418 — qyz bala. 

Egizderdiń sany 50-ge jetip, eki úshem ómir esigin ashqan.