Shymkentte anasyn urǵan polıtsııa podpolkovnıgi qyzmetinen qýyldy

<p>ShYMKENT. KAZINFORM. Shymkenttik polıtseı óz anasyna qol kótergen. Oqıǵa otbasylyq janjal kezinde bolǵan.</p>

Ashyq sot kabınetindegi málimetke súıensek, oqıǵa bıyl 27 sáýirde keshki saǵat 20.50 shamasynda oryn alǵan. Polıtsııa podpolkovnıgi anasyna qol kóterip, densaýlyǵyna jeńil dárejedegi zııan keltirgen. 

Sot otyrysynda polıtseıdiń anasy uly qol kótergenin rastaǵan. Al tártip saqshysy ashý ústinde anasyn urǵanyn moıyndap, keshirim suraǵan. 

4 shildedegi sot sheshimimen polıtsııa qyzmetkeri Ákimshilik quqyq buzýshylyq týraly kodekstiń 73-1-babynyń 1-1-bóligimen kináli dep tanyldy. Oǵan ákimshilik jaza retinde eskertý berildi. Sot sheshimi shyqqan soń polıtsııa podpolkovnıgi jumystan bosatyldy. 

«Atalǵan jaıtqa qatysty is-qujattar jınaqtalyp, sheshim qabyldaý úshin mamandandyrylǵan aýdanaralyq sotyna joldanǵan. Sonymen qatar qyzmettik tekserý júrgizilip, onyń nátıjesine sáıkes polıtsııa qyzmetkeri ishki ister organdarynan shyǵaryldy», - delingen polıtsııa málimetinde. 

Aıta keteıik, tártip saqshysy qalalyq Polıtsııa departamentine qarasty Jedel basqarý ortalyǵynyń ınspektory qyzmetin atqarǵan.