2025 jylǵy 10 qarashada Shymkent qalasy boıynsha Memlekettik kirister departamentiniń qyzmetkerleri Shymkent qalalyq Polıtsııa departamentiniń Abaı aýdandyq polıtsııa basqarmasymen birlesip, alkogol ónimderin zańsyz óndirý faktilerin anyqtaý maqsatynda birlesken is-sharalar júrgizdi.
— Іs-shara barysynda jalǵan esepke alý-baqylaý markalaryn qoldana otyryp alkogol ónimin óndiretin jasyryn tseh anyqtaldy. Tekserý nátıjesinde: «Rodnaıa step» markaly 2 623 bótelke (0,5 l) alkogol ónimderi, jalpy kólemi 3 500 lıtr 5 eýrokýb (kólemi 1 tonnadan) etıl spırti belgileri bar suıyqtyq, ónim quıýǵa arnalǵan 2 apparat, 10 000 bos bótelke tárkilendi. Qazir atalǵan fakt boıynsha Qazaqstan Respýblıkasynyń zańnamasynda belgilengen tártippen tergeý is-sharalary júrgizilip jatyr, — delingen habarlamada.
Tergeý aıaqtalǵannan keıin is materıaldary protsessýaldyq sheshimder qabyldaý úshin ýákiletti organdarǵa joldanatyn bolady.
Budan buryn BQO turǵyny jasyryn zerthanada quramynda esirtki bar ósimdik ósirgeni anyqtaldy.