Shymkentte alyp sábı dúnıege keldi

<p>ShYMKENT. KAZINFORM &mdash; Shymkentte salmaǵy alty keliden asatyn alyp sábı dúnıege keldi. Dárigerler áıeldi tabıǵı jolmen bosandyryp aldy.</p>

Qala turǵyny Almıra Jandarbekova 3-qazan kúni Shymkent qalalyq № 2 aýrýhananyń perzenthana bólimine kelip túsken. Dárigerler kelinshekti baqylaýǵa alyp, perzenthanada tolǵaǵy kelgenin kútken. Nátıjesinde 4-shi qazan kúni saǵat 13:50–de salmaǵy 6 keli 500 gramm, boıy 63 sm sábı dúnıege keldi. Náresteni týystary Taýekel dep atady. 

Bul Almıra Jandarbekovanyń altynshy júktiligi. 

Foto: Shymkent qalasy DSB

Mamandardyń sózinshe qazir ana men balanyń jaǵdaıy jaqsy, densaýlyqqa eshqandaı shaǵym joq. 

«Qazir ana men bala ómirine tónip turǵan eshqandaı qaýip joq. Jaǵdaılary jaqsy»-, deıdi aýrýhana dárigerleri.

Aıta keteıik, budan buryn Astanada referendým kúni 53 sábı dúnıege kelgenin jazǵan bolatynbyz.