Shymkentte alaıaqtyq jasaǵan notarıýs sottaldy

<p>ShYMKENT. KAZINFORM &ndash; Sot alaıaqtyq faktisi boıynsha notarıýsty 4 jyl shekteýge, al onyń sybaılastaryn 3 jylǵa jáne 3 jyl 9 aı merzimge shartty túrde bas bostandyǵynan aıyrý túrindegi úkim shyǵardy.</p>

Sot talqylaýy barysynda jeke notarıýs «A» jábirlenýshilerdiń senimine kirip, olardyń osal jaǵdaıyn jáne qyzmettik ókilettigin óz paıdasyna qoldanyp, nesıe nemese kepil shartyn jasaýdyń ornyna satyp alý-satý shartyn kýálandyrǵany anyqtalǵan.

«Keıinnen ol úshinshi tulǵalarǵa menshik quqyǵyn bekitip, Shymkent qalasynyń ádilet organdaryna tirkeý týraly kelisimdi zańsyz jibergen.

Qylmystyq is boıynsha 9 jábirlenýshige 47 mıllıon teńge kóleminde shyǵyn keltirilgen», — dep jazdy qalalyq prokýratýradan.

Baqylaýshy organ Shymkent qalasynyń turǵyndarynan notarıýstardyń qatysýymen jyljymaıtyn múlikke qujattardy resimdeý kezinde abaı bolýdy, qajet bolǵan jaǵdaıda zańgerlerden keńes alýdy suraıdy.