Shymkentte alaıaqtar baspanasy joq adamdardyń atynan 22 mln teńge nesıe rásimdegen

<p>ShYMKENT. KAZINFORM &ndash; Jábirlenýshilerdi kásipker etip kórsetip, attarynan nesıege qomaqty qarjy alǵan.</p>

Shymkent qalasynyń polıtsııa departamenti alaıaqtyq sıpatyndaǵy qylmystyq isti tergep-tekserý barysynda kommertsııalyq uıymnyń jaýapty qyzmetkerleriniń óz mindetterin adal atqarmaý faktisine qatysty QR QK-niń 254-babymen qylmystyq isti tirkedi.

Naqtyraq aıtqanda, kommertsııalyq uıymnyń qyzmetkerleri 2021 jyly 22 800 000 teńge kólemindegi alaıaqtyq faktisin anyqtaǵan. Alaıda, jalǵan jeke kásipkerlikter men zańdy tulǵalardy tekserýge jáne olardyń esepshottaryn buǵattaýǵa sharalar qabyldanbaǵan.

«Bul quqyq buzýshylyqtar qylmystyq toptyń alaıaqtyq josparyn júzege asyrýyna jáne jábirlenýshilerdiń qarajattaryn ıemdenýine jol berilgen. Kúdiktiler úıi joq adamdardyń atynan jeke kásipkerlik ashyp, sol arqyly alaıaqtyq jasaǵan. Qylmystyq is qala prokýratýrasynyń baqylaýynda», - delingen Shymkent qalasynyń prokýratýrasy taratqan aqparatta.

Aıta keteıik, budan buryn Shymkentte senimgerlik basqarýǵa berilgen memlekettik kásiporyn memleketke qaıtarylǵanyn jazǵan bolatynbyz.