Shymkentte ákim men basqarma basshysynyń orynbasarlary jaýapqa tartyldy

<p>ShYMKENT. KAZINFORM - Shymkentte Qarataý aýdany ákiminiń orynbasary men qalalyq jolaýshylar kóligi jáne avtomobıl joldary basqarmasy basshysynyń orynbasary jazalandy. Olar joldardy, temir jol ótpelerin jáne basqa da jol qurylys jaılaryn kútip-ustaý jónindegi talaptardy oryndamaǵan.&nbsp;</p>

Qarataý aýdany prokýratýrasy júrgizgen monıtorıng jumystarynyń nátıjesinde joldardy kútip ustaý jónindegi zańnama talaptaryn saqtamaý faktileri anyqtalǵan.

Qalalyq prokýratýra habarlaýynsha, 2023 jyly jergilikti atqarýshy organmen jol jóndeý jumystaryna bıýdjetten 549 mıllıon teńgeden astam qarajat bólingen. Onyń 84 mıllıon 574 myń teńgesi aǵymdaǵy jóndeý jumystaryna qaralǵan qarjy. Alaıda joldar men kóshelerdi tazalaý jumystary, onyń ishinde ishki aýmaqtar men trotýarlar, sondaı-aq shuńqyrlaý jumystary júrgizilmegen.

«Qarataý aýdany ákiminiń orynbasary men jolaýshylar kóligi jáne avtomobıl joldary basqarmasy basshysynyń orynbasaryna Ákimshilik quqyq buzýshylyq týraly kodekstiń 631-babyna sáıkes 2 hattama toltyryldy. Memleket kirisine 36 920 teńge kóleminde aıyppul óndirildi», - dedi qalalyq prokýratýra.