Shymkentte 64 mln teńgeni jymqyrǵan mektep býhgalteri aqshanyń kóbin qumar oıynǵa tikken

<p>ShYMKENT. KAZINFORM — Shymkentte 64 mln-nan astam teńgeni qaltasyna basty dep sottalǵan jalpy orta mekteptiń bas esepshisi bul qarjynyń basym kópshiligin býkmekerlik keńsege tikken.</p>

Ashyq sot kabınetindegi sot materıaldaryna sáıkes, bas esepshi 2021 jyldyń qyrkúıek aıy men 2023 jyldyń tamyz aıy aralyǵynda óziniń esep shotyna jalpy 16 906 873 teńgeni, jubaıynyń atyndaǵy esepshotqa 5 125 511 teńgeni, osy mekteptiń tarıh páni muǵaliminiń esepshotyna jalpy 10 010 611 teńge, osy mekteptiń burynǵy ekonomıst mamanynyń esepshotyna 32 252 518 teńgeni zańsyz aýdarǵan.

Ol bul aqshanyń bárin olardyń bank kartasyn qoldana otyryp ózi sheship alyp, bas paıdasyna jaratqan. 

Bas býhgalter sot otyrysynda qarjynyń kóbin býkmekerlik keńsege tikkenin moıyndaǵan.

Aıtýynsha, qumar oıynǵa táýeldi bolǵandyqtan ózin toqtata almaǵan. Al qalǵan qarjyǵa kólik alǵan, úılengen jáne shetelge shyqqan.

Eske salsaq, biz buǵan deıin 64 mln-nan astam aqshany jymqyrdy dep aıyptalǵan bas býhgalter 8 jylǵa sottalǵanyn jazǵan bolatynbyz.

Úkim zańdy kúshine engen joq. 

Sottalýshy apellıatsııalyq shaǵym túsirgen.