Shymkentte 600-den astam naýqasqa jańa búırek kerek

<p>ShYMKENT. KAZINFORM — Shymkenttik dárigerler gemodıalızge táýeldi naýqastarǵa tiliksiz ota jasady.</p>

Qalalyq № 2 aýrýhanada gemodıalız qabyldaıtyn 6 naýqasqa biregeı operatsııa jasaldy.

«Arterıovenozdy fıstýlanyń endovaskýlıarly rekanalızatsııasy» dep atalatyn ota qalada alǵash ret jasaldy.

Endovaskýlıarly ádisti jergilikti dárigerler Reseıden kelgen áriptesterimen tájirıbe almasý barysynda meńgergen.

Qazir hırýrgııalyq kómek kórsetilgen 6 patsıenttiń jaǵdaıy jaqsy.

«Búginde qalada búırek aýystyrýdy qajet etetin 600-den astam naýqas bar. Olardyń ómiri „jasandy búırek“ apparatyna táýeldi. Mundaı ota aldaǵy ýaqytta densaýlyq kórsetkishisine sáıkes tirkeýde turǵan naýqastarǵa jasalady. Sebebi, tiliksiz jasalatyn ota sozylmaly búırek aýrýyna shaldyqqan naýqastarda oń nátıje berip otyr» delingen Shymkent qalasy densaýlyq saqtaý basqarmasynyń baspasóz qyzmeti taratqan aqparatta.