Shymkentte 4 jasar bala úshinshi qabattyń terezesinen qulap ketti

<p>ShYMKENT. KAZINFORM. Shymkentte kópqabatty úıdiń 3-qabatyndaǵy terezesinen 4 jasar bala qulap ketti. Búldirshin dereý aýrýhanaǵa jatqyzyldy.</p>

Oqıǵa búgin, 6 shilde kúni Q.Tólemetov kóshesi boıyndaǵy kópqabatty turǵyn úılerdiń birinde bolǵan. Dárigerlerdiń aıtýynsha, balabaqsha jasyndaǵy búldirshinniń jaǵdaıy ortasha.

Qalalyq TJD ata-analar men eresekterge balalardy qaraýsyz qaldyrmaýdy jáne saqtyq sharalaryn qatań saqtaýdy suraıdy. Ol úshin:

- Úıde kishkentaı bala bolsa, terezelerdi ashyq qaldyrmańyz;

- Jıhazdy terezelerdiń janyna qoımańyz;

- Terezeler arnaıy qorǵanys qurylǵylarymen bolýy kerek;

- Bala ony ózdiginen asha almaıtyndaı etip tereze tutqasyn qulyptańyz;

- Balany terezede turýǵa jáne terezeden kóshede ne bolyp jatqanyn kórýge úıretpeńiz, bala siz úıde bolmaǵan kezde qaıtalaýy múmkin.

Biz buǵan deıin elimizde balalardyń kópqabatty úılerdiń terezesinen qulap ketý deregi ósip jatqany týraly jazdyq. Bala quqyqtaryn qorǵaý komıtetiniń basshysy Nasymjan Ospanovanyń málimetinshe, Qazaqstanda jyl basynan beri 14 bala terezeden qulap ketken.