Shymkentte 270 túp aǵash kesilmeıtin boldy – ákimdik

<p>Shymkentte jańa turǵyn úı kesheni men qalany baılanystyratyn balama joba ázirlenedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qaladaǵy «Atamura» turǵyn úı kesheni men Báıdibek bı dańǵylyn baılanystyratyn jol salynýy kerek bolatyn. Jospar boıynsha joldyń uzyndyǵy 218 metr, al eni 14 metrdi bolýy tıis edi. Qurylys nysanynyń jobalyq-smetalyq qujattary ázirlenip, osy maqsatta bıýdjetten qarjy da qaralyp qoıǵan. Al qurylys jumystaryn 2024 jyly bastaý kózdelgen. Alaıda ákimdik «Atamura» turǵyn úı keshenin qalamen baılanystyratyn joldy basqa tustan salý úshin balama joba ázirleıtin boldy.

«Jol qurylysyn júrgizý úshin etnosaıabaq aýmaǵyndaǵy 270 túp aǵashty kesýge týra keldi. Oǵan qosa, saıabaqtyń janynan mundaı joldyń ótýi etnosaıabaqqa demalýǵa keletin turǵyndardyń qaýipsizdigine qater tóndirýi múmkin ekeni belgili bolyp otyr. Osy jaǵdaılardy eskere otyryp, qala ákimi Ǵabıt Syzdyqbekov atalǵan jol qurylysyn toqtatý jóninde tapsyrma berdi. Shahar basshysynyń tapsyrmasyna sáıkes, «Atamura» turǵyn úı keshenin qalamen baılanystyratyn joldy basqa tustan salý úshin balama joba ázirlenedi», - delingen Shymkent qalasy ákiminiń baspasóz qyzmeti taratqan aqparatta.

Nátıjesinde, saıabaqqa kelýshileriniń qaýipsizdigi qamtamasyz etilip, 270 túp aǵash kesilmeıtin boldy.