Shymkentte 27 mıllıon teńge qaryzyn tólemeı júrgen avtokólik júrgizýshisi ustaldy
ІІM baspasóz qyzmeti «Qorǵaý» megapolıs polıtseılerine quqyq buzýshylardy anyqtaýǵa kómektesip jatqanyn málimdedi. Máselen, ótken dúısenbide baǵdarlama Táýke han dańǵylynda boryshkerdiń basqarýyndaǵy avtokólik týraly aqparat berdi. Azamattyń 27 mıllıon teńge kóleminde bereshegi bar bolyp shyqqan.
JBO kezekshileri kólik quralyn ustaýǵa patrýldik polıtsııa ınspektorlaryn baǵyttady. Qala turǵynyna qaryzdy tóleý qajettiligi týraly eskertildi, al onyń temir tulpary aıyppul turaǵyna qoıyldy.
Esterińizge sala ketsek, «Qorǵaý» qosymshasyn qalanyń tártip saqshylary 2022 jyldyń sáýir aıynda qoldana bastady. Qosymsha polıtseılerge jalǵan nómirli, saqtandyrýsyz, izdestirýdegi, tólenbegen aıyppuldary bar kólikter týraly habarlaı alady. Sonymen qata, atalǵan baǵdarlama jol qozǵalysy erejelerin jıi buzatyn qaýipti júrgizýshilerdi anyqtaıdy.