Shymkentte 1 000-nan astam úı tabıǵı gazdan ajyratyldy

<p>ShYMKENT. KAZINFORM- Shymkentte gaz qubyrynan aqaý shyǵyp, 1 000-nan astam úıge gaz berý toqtataldy.&nbsp;</p>

Qazyǵurt shaǵyn aýdany, Kóktoǵan kóshesinde joǵary qysymdy qubyrdan tabıǵı gazdyń shyǵýy anyqtaldy. Apat saldarynan 1 100 tutynýshy, 2 óndiristik kásiporyn jáne 2 turmystyq kommýnaldyq mekeme gazdan ýaqytsha ajyratyldy.

Qazirgi ýaqytta brıgadalar aqaýdy qalpyna keltirý jumystaryn atqarýda. 

«QazTransGaz Aımaq» AQ mamandary gaz qubyrlarynda bolýy múmkin aqaýlardy anyqtaý maqsatynda qala aýmaǵyndaǵy jerasty jáne jerústi gaz qubyrlaryna tekserý jumystaryn júrgizip jatyr. Búgin qaýipsizdik sharalary barysynda joǵary qysymdy qubyrdan tabıǵı gazdyń shyǵýy anyqtaldy», - delingen qalalyq ákimdik taratqan aqparatta.