Shymkent zoobaǵyna Máskeý teatrynda óner kórsetken sýsıyr jetkizildi

<p>Shymkent zoobaǵyna Máskeý teatrynda óner kórsetken sýsıyr jetkizildi, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

Zoobaqtyń jańa turǵynynyń esimi – «Mýshketer». Ol 1993 jyly týǵan. Sodan Máskeý qalasyndaǵy Vladımır Dýrov atyndaǵy janýarlar teatrynda óner kórsetken. Sýsıyrdy zoobaq mamandary arnaıy tasymaldaıtyn kólik kompanııasy arqyly Shymkentke jetkizdi.

«Mýshketerdi kórgilerińiz kelse, sýsıyr pavılonynan tamashalaı alasyzdar. Jaqyn arada sulý qyzymyz Glorııa men Mýshketer bir-birine úırenisip, bizdiń zoobaqqa kishkentaı ǵajaıyp tólderdi syıǵa tartady degen úmittemiz. Bizdiń zoobaq kórermenderiniń súıikti janýaryna aınalady degen senimimiz mol», - dep jazdy zoobaq mamandary jelidegi paraqshasynda.