Shymkent zaýyty qarasha aıynda tolyq iske qosylady – Erlan Aqkenjenov

<p>Energetıka vıtse-mınıstri Erlan Aqkenjenov Shymkenttegi munaı óńdeý zaýyty qashan tolyq iske qosylatynyn aıtty, dep habarlaıdy QazAqparat tilshisi.</p>

«Shymkent zaýyty qazir AI-95 markaly benzındi óziniń qýatynan 50 paıyz kem óndirip otyr. Qarasha aıynda Shymkenttegi zaýyt tolyq qýatyna shyqqanyn kóremiz dep oılaımyn. Sol úshin qosymsha sharalar qabyldandy. Jospar boıynsha, Shymkent munaı óńdeý zaýytynyń basshylyǵy bergen málimet boıynsha qarasha aıynyń alǵashqy kúnderi kásiporyn tolyq qýatyna enedi», - dedi vıtse-mınıstr.

Onyń sózinshe, kelesi aıda Atyraý zaýytynda jóndeý jumystary bastalady.

«Atyraý munaı zaýyty jóndeý jumystarynan jaqsy shyqsa, qazan aıynda 15 myń tonna benzın óndirer edi. Al qarasha aıynda, jeltoqsanda, jyldyń aıaǵyna eshqandaı qosymsha ımportsyz jetemiz degen esep bar. Atyraý zaýytynyń kúrdeli jóndeý jumystary 1 qazannan 3 qarashaǵa deıin josparlanǵan», - dedi Erlan Aqkenjenov.