Shymkent turǵyny jalǵan shot-faktýra arqyly 443 mıllıon teńge salyqtan jaltarǵan

<p>ShYMKENT. KAZINFORM &mdash; Shymkent turǵyny jumysyn naqty oryndamaı ári tıisti qyzmet kórsetpeı jalǵan shot-faktýralar jazyp bere berý arqyly memlekettik bıýdjetke shyǵyn keltirip, salyq tóleýden qashqan. Bul týraly Qarjylyq monıtorıng agenttiginiń baspasóz qyzmeti málim etti.&nbsp;</p>

Baspasóz qyzmetiniń málimetinshe, atalǵan faktini QMA aımaqtyq Departamenti tergedi. 

Qylmystyq áreketti arnaıy qurylǵan 6 seriktestik arqyly júzege asyryp, nátıjesinde memlekettik bıýdjetke 443 mln teńge salyq túspegen, - delingen habarlamada. 

Sot úkimimen kúdikti qylmystyq quqyq buzýshylyq jasaǵany úshin kináli dep tanylyp, oǵan 3 jyl merzimge bas bostandyǵynan aıyrý jazasy taǵaıyndaldy.

Sonymen qatar, 15 mln teńgeden astam somaǵa qylmystyq tabysy men 50 mln teńgeden astam somaǵa jyljymaıtyn múlki memleket kirisine aınaldyryldy.