Jaldamaly páterde esirtki ósirgen Shymkent turǵyny ustaldy
Polıtsııa departamentiniń uıymdasqan qylmysqa karsy kúres basqarmasy arnaıy is-sharalar barysynda 37 jastaǵy turǵynnyń basqarýyndaǵy Volkswagen Touareg avtokóligin ustady.
«Kólik ishinde marıhýana salynǵan 2 plastık syıymdylyǵy tabyldy. Azamattyń jaldaǵan páterin tekserý kezinde fıtozerthana anyqtaldy. Arnaıy jeldetý júıesi, dıodty shamdar, ylǵaldylyqty ólsheý quraldary, termometr jáne avtomatty sýarýmen jabdyqtalǵan bólmede er adam qarasora ósirgen» - delingen habarlamada.
Dál osyndaı zerthana er adamnyń synyptasynyń úıinde de anyqtaldy. Tárkilengen esirtkiniń jalpy salmaǵy 13 keliden asady. Onyń ishinde qarasora butalary men kóshetteri jáne 15 bir lıtrlik sıymdylyqtarǵa salynǵan marıhýana bar. Kúdiktiler qamaýǵa alyndy. Tergeý áreketteri júrgizilip jatyr.