Shymkent sybaılas jemqorlyqqa qarsy qyzmet basshysy taǵaıyndaldy

<p>ShYMKENT. KAZINFORM — Qazaqstan Respýblıkasy Prezıdentiniń janyndaǵy quqyq qorǵaý organdarynyń kadr saıasaty máseleleri jónindegi komıssııasynyń usynymy boıynsha agenttik tóraǵasynyń buıryǵymen departament basshysy laýazymyna Qanat Tursymbaıuly Súleımenov taǵaıyndaldy.</p>

Jańa basshyny qala aktıvi men qyzmetkerlerge agenttik tóraǵasynyń orynbasary Maqsat Jebegenov tanystyrdy.

Qanat Tursymbaıuly 1968 jyly Pavlodar oblysynda dúnıege kelgen.

QR Іshki ister mınıstrliginiń Almaty joǵary mektebin bitirgen. 

1994-2019 jyldar aralyǵynda ishki ister jáne ulttyq qaýipsizdik organdarynda túrli laýazymdarda qyzmet atqardy.

2019 jyldan bastap Sybaılas jemqorlyqqa qarsy is-qımyl agenttiginiń tergeý departamentin, 1-departamentin, agenttiktiń Atyraý oblysy boıynsha departamentin basqardy.

Sondaı-aq, agenttiktiń sotqa deıingi tergeý qyzmetiniń basshysy laýazymyn abyroımen atqardy.

«Departament basshysyn taǵaıyndaý Prezıdenttik rezervke engizilgen kandıdattardyń tsıfrlyq reıtıngisiniń jańa júıesin engizgen Prezıdent Ákimshiligimen kelisilgen. Aqparattyq kadrlyq júıeni baǵalaý nátıjeleri boıynsha Q.T. Súleımenov eń joǵary ball jınaǵan» delingen Qazaqstan Respýblıkasy Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti taratqan aqparatta.