Shymkent kóshelerine qys túskende gúl egilip jatyr

<p>Qys bastalǵanda gúl egip júrgen shymkenttikter kópshilikti tań qaldyrdy, dep habarlaıdy <a href="Kazinform" target="_blank" rel="noopener">Kazinform</a>.</p>

Áleýmettik jelide kóshedegi gúlzarǵa gúl egip júrgen jumysshylardyń vıdeosy tarady. Vıdeo avtorynyń aıtýynsha oqıǵa Shymkent qalasynda túsirilgen.

«Bul Shymkent. 1-shi jeltoqsan kúni gúl egip jatyr. Qastarynda gúl toly úlken kólik tur. Bularda kóktem kelgeni jaıynda arnaıy habar bar nemese qalaǵa qurmetti qonaq kele jatyr. Soǵan qalany sándeýde», - deıdi avtor.

Al, «ShymkentSpetsKompleks» JShS mamandary qazirgi ýaqytta qala gúlzarlaryna «Vıola» sortty gúl egilip jatqanyn málimdedi.

«Vıola» gúli tómen temperatýraǵa shydamdy keledi. Sondaı-aq, ol kópjyldyq ósimdik, aıazǵa da tózimdiligi joǵary. Aýa raıynyń qolaısyzdyǵyna baılanysty sándik kórkin joǵaltpaıdy», - delingen «ShymkentSpetsKompleks» JShS usynǵan aqparatta.

Al, jelidegi vıdeoǵa pikir jazýshylar ekige bólingen. Biri tańqalyssa, endi biri qysta gúl ekken shymkenttikterdi synap jatyr.