Shymkentte aýdan ákiminiń burynǵy orynbasary sottaldy

<p>ShYMKENT. KAZINFORM -&nbsp;<strong>Shymkent qalasy aýdan ákiminiń burynǵy orynbasary sottaldy</strong><strong>.</strong> Sybaılas jemqorlyqqa qarsy qyzmettiń bastamasymen aldyn alý maqsatynda sot organdarymen ózara kelisimge qol jetkizý arqyly jemqorlyq boıynsha aıyptalǵan memlekettik qyzmetshilerdiń ujymdary sot otyrystaryna qatysady.</p>

«Osy jyldyń 1 sáýirinde Shymkent qalasynyń qylmystyq ister jónindegi mamandandyrylǵan aýdanaralyq soty sottalǵandardyń burynǵy áriptesteriniń qatysýymen Eńbekshi aýdany ákiminiń orynbasary E.Tilenshınge, osy ákimdiktiń bas mamany A. Balqybekovke, sondaı-aq merdiger uıymnyń ókili A.Manatqa qatysty úkim jarııalady. Atalǵan adamdarǵa tıisinshe 11, 10 jáne 3 jyl merzimge bas bostandyǵynan aıyrý jazasy taǵaıyndaldy», - delingen Sybaılas jemqorlyqqa qarsy is-qımyl agenttigi habarlamasynda.

Agenttik málimetinshe, olar aldyn ala sóz baılasyp, megapolısti abattandyrý jónindegi jumystardy oryndaý kezinde para alǵan. Naqtyraq aıtqanda, memlekettik satyp alý týraly jasalǵan shart sheńberinde, sondaı-aq zırattardy kútip ustaýǵa bólingen 28 mln teńge somasynda bıýdjet qarajatyn jymqyrý faktisi boıynsha qamqorshylyq jasaǵany úshin kásipkerden 60 mln teńge mólsherinde para alǵany úshin kináli dep tanyldy.

Sondaı-aq, sottalǵandar ómir boıy memlekettik qyzmette laýazymdardy atqarý quqyǵynan aıyryldy.

Úkim zańdy kúshine engen joq.