Shymkent qalasy Tótenshe jaǵdaılar departamentiniń bastyǵy taǵaıyndaldy

<p>Qazaqstan Respýblıkasy Tótenshe jaǵdaılar mınıstriniń buıryǵymen Shymkent qalasy TJ departamentiniń bastyǵy bolyp Qýanar Bazarbaev taǵaıyndaldy, ol buryn Astana qalasy TJ departamentiniń bastyǵy qyzmetin atqarǵan, dep habarlaıdy <a href="https://kaz.inform.kz/" target="_blank" rel="noopener">QazAqparat</a> mınıstrliktiń <a href="https://www.gov.kz/memleket/entities/emer/press/news/details/628211?lang=kk" target="_blank" rel="noopener">baspasóz</a> qyzmetine silteme jasap.</p>

Ujymǵa jańa basshyny Qazaqstan Respýblıkasy Tótenshe jaǵdaılar vıtse-mınıstri general-maıor Baýyrjan Syzdyqov tanystyrdy.

Qýanar Bazarbaev 1967 jyly 24 mamyrda Soltústik Qazaqstan oblysy, Shalaqyn aýdany, Qaratal aýylynda dúnıege kelgen. 2005 jyly QR TJM Kókshetaý tehnıkalyq ınstıtýtyn «Órt qaýipsizdigi ınjeneri» mamandyǵy boıynsha bitirgen.

Azamattyq qorǵaý organynda 1992 jyldan bastap qyzmet etip keledi, eńbek jolyn órt sóndirýshiden bastaǵan. Inspektor, kezekshi órt sóndirý qyzmetiniń basshysy, órt sóndirý bólimniń bastyǵy bolyp jumys istedi.

2015 – 2020 jyldary – Mańǵystaý oblysy Tótenshe jaǵdaılar departamentiniń bastyǵy, 2020 – 2023 jyldary Astana qalasynyń TJ departamentiniń bastyǵy.

Vıtse-mınıstr Baýyrjan Syzdyqov Qýanar Bazarbaevty taǵaıyndalýymen quttyqtap, megapolıs halqynyń qaýipsizdik mádenıetin arttyrý baǵytynda jumysty erekshe atap, tabys tiledi.