Shymkent energetıka basqarmasy basshysynyń orynbasary jol apatynan qaza tapty

<p>Almaty oblysynda jol talǵamaıtyn kólik pen júk kóligi soqtyǵysyp, saldarynan Shymkent Energetıka jáne ınfraqurylymdy damytý basqarmasy basshysynyń orynbasary qaza tapty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Almaty oblystyq Polıtsııa departamentinen málim etkendeı, 18 jeltoqsan kúni saǵat 8:00-de Almaty-Bishkek tasjolynda 31 jastaǵy Lexus LX 470 kóliginiń júrgizýshisi rólge ıe bola almaı qarsy jolaqqa shyǵyp ketip, aınalma joldan shyǵyp kele jatqan Volvo júk kóligimen soqtyǵysqan.

«Jol apaty saldarynan Lexus júrgizýshisi alǵan jaraqattarynan oqıǵa ornynda kóz jumdy. Kólikte bolǵan 1991, 2015, 2018, 2021 jyly týǵan balalar túrli dene jaraqattarymen Uzynaǵash aýylyndaǵy aýrýhanaǵa jetkizildi. Atalǵan derek QR Qylmystyq kodeksiniń 345-baby boıynsha Jambyl aýdandyq polıtsııa bóliminde tirkeldi. Oqıǵanyń barlyq mán-jaıyn anyqtaý úshin sot-medıtsınalyq saraptama taǵaıyndaldy», - dep habarlady oblystyq Polıtsııa departamentiniń baspasóz qyzmeti.

Keıin jol talǵamaıtyn kólikti Shymkent qalalyq Energetıka jáne ınfraqurylymdy damytý basqarmasy basshysynyń orynbasary Maqsat Abdýqadirov tizgindegeni belgili boldy.

Bul aqparatty qala ákimdiginiń baspasóz qyzmeti de rastady.