Shymkent dendrosaıabaǵy basshylyǵyna qatysty is sotqa jiberildi

<p>ASTANA. KAZINFORM &ndash; Saıabaqta basshylyq qyzmet atqarǵan birneshe tulǵa bıýdjet qarajatyn jymqyrǵan.</p>

«Shymkent qalasy boıynsha Sybaılas jemqorlyqqa qarsy qyzmet A.Asqarov atyndaǵy «Shymkent memlekettik dendrologııalyq saıabaǵy» MKQK dırektoryna, kadr bóliminiń basshysyna, sondaı-aq bas býhgalterine qatysty sotqa deıingi tergeýdi aıaqtady. Іs sotqa joldandy», - dedi Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov vedomstvoda ótken baspasóz máslıhatynda.

Atalǵan laýazymdy tulǵalarǵa saıabaqta eńbek etpegen jumysshylarǵa jalaqyny zańsyz esepteý jolymen 14,7 mln teńge bıýdjet qarajatyn jymqyrdy dep aıyp taǵylyp otyr.

Buǵan deıin Petropavl qalalyq turǵyn úı qyzmetiniń basshysynyń tergeýge alynǵany týraly habarlaǵan edik.