Shymkent ákimdigi Eńbek mobıldigi ortalyǵy dırektorynyń qamaýǵa alynǵanyn rastady

<p>ASTANA. KAZINFORM &ndash; Shymkent qalasynyń Eńbek mobıldigi ortalyǵynyń dırektory sybaılas jemqorlyq áreket jasady degen kúdikpen tergelip jatyr. Aqparatty Shymkent qalasynyń ákimdigi rastady. &nbsp;</p>

«2024 jylǵy 22 qańtarda Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti qalalyq jumyspen qamtý jáne áleýmettik qorǵaý basqarmasyna qarasty «Eńbek mobıldigi ortalyǵynyń dırektory Sh.Ásetke qatysty Qazaqstan Respýblıkasy Qylmystyq kodeksiniń 366-babymen sotqa deıingi tergep-tekserý júrgizilip jatqandyǵyn habarlady. Ázirge bizde bar aqparat osy», - delingen Kazinform aqparat agenttigi joldaǵan resmı saýal jaýabynda.

Sondaı-aq, saýal jaýabynda tergeý barysyna qatysty ózgede aqparattar QR Qylmystyq-protsestik kodeksiniń 201-babynyń talaptaryna saı jarııalanbaıtyndyǵy aıtylǵan.

Eske sala keteıik, bıyl 15 qańtarda Shymkentte jumyspen qamtýǵa jaýapty ortalyqtyń basshysy qamaýǵa alynǵany týraly habarlaǵan edik.