Shymkent ákimi fýtbolshylar men jankúıerlerge «Ordabasy» klýbynyń jańa prezıdentin tanystyrdy
Fýtbol klýbynyń baspasóz qyzmetiniń málimetinshe, qala basshysy Ashat Seısembekti tanystyrdy.
«Jańa basshynyń fýtbolǵa tikeleı qatysy bar. Buǵan deıin ol Týrızm jáne sport ındýstrııasyn qoldaý qorynyń bas dırektory, Jeńil atletıka federatsııasynyń bas hatshysy qyzmetterin atqardy»,- delingen málimette.
Kezdesý barysynda fýtbol klýbynyń josparlary men mindetteri talqylandy. Komandanyń basty maqsaty – Qazaqstan chempıony ataǵyn qorǵaý, sonymen qatar irikteý oıyndarynda jaqsy óner kórsetip, ÝEFA Chempıondar lıgasynyń toptyq kezeńine shyǵý.
Áńgime barysynda jankúıerler jańa stadıon salý taqyrybyn qozǵady.
Jaqyn arada «Bozaryq» shaǵyn aýdanynda sport arenasynyń qurylysy bastalmaq. Jańa nysan paıdalanýǵa berilgennen keıin «Qajymuqan» stadıonyn qaıta qurý jumystary júrgiziledi. Sonymen qatar Badam (Mıhaılovskoe) sý qoımasy aýdanynda eki alańdyq - tabıǵı jáne jasandy jabyny bar fýtbol klýby úshin jattyǵý bazasyn salý josparlanyp otyr.
Eske salsaq, biz buǵan deıin shymkenttik «Ordabasy» fýtbol klýbynyń prezıdenti Baýyrjan Abdýbaıtov qyzmetinen ketkeni týraly jazǵan edik. Onyń mundaı sheshim qabyldaýyna densaýlyǵy sebep bolǵan.