Shymbulaqty qar basyp qaldy

<p>Almatynyń taýly aımaqtaryna túnde qar jaýdy. Qalalyq kommýnaldyq qyzmetter Shymbulaqtaǵy qardy kúrep jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Shymbulaqqa qar túsýine baılanysty kóktaıǵaqqa qarsy materıal sebilip, burynǵy ekoposttan Shymbulaqqa deıingi ýchaskede jol qardan tazalanyp jatyr. Jol qozǵalysyn shekteý úshin jol polıtsııasy beketi qoıyldy»,- dep habarlady qalalyq ákimdikten. 

Tótenshe jaǵdaılar departamentiniń málimetinshe, Jetisý jáne Túrksib aýdandarynda ornalasqan eki jeke turǵyn úıdiń aýlasyn sý basty.

Aryq jelileri arqyly sýdyń kedergisiz ótýin qamtamasyz etý maqsatynda túngi aýysymǵa 34 kezekshi brıgada, 114 tehnıka, 23 motopompa, 115 jol jumysshysy jumyldyryldy.

Foto: Almaty ákimdigi

Tańerteń 8-den bastap joldarǵa 38 kezekshi brıgada, 166 arnaıy tehnıka, 23 motopompa jáne 468 jol jumysshysy shyqty.

Qazseldenqorǵaý dereginshe, Almaty ózenderindegi sý deńgeıi qalypty jaǵdaıda.

Aýdan ákimdikterinde jumys óndirisin baqylaý boıynsha táýlik boıy kezekshilik uıymdastyryldy.