Shymbulaqta jabaıy qabannyń snoýbordshylarǵa shabýyl jasaǵany ras pa

<p>ALMATY. KAZINFORM &ndash; Áleýmettik jelide jabaıy qabannyń taýda syrǵanap júrgen snoýbordshylarǵa shabýyl jasaǵan sátiniń <a href="https://www.instagram.com/reel/C2P9AyvIsTB/?utm_source=ig_web_copy_link" target="_blank" rel="noopener">vıdeosy</a> shyqty. Post avtory oqıǵa Almatynyń shańǵy tebetin jerleriniń birinde bolǵanyn jazdy.</p>

Jeli qoldanýshylardyń keıbiri vıdeo Almatydaǵy «Shymbulaq» taý-shańǵy kýrortynda túsirildi dese, basqalary Qytaıda túsirilgenin aıtyp, pikirlerin qaldyrdy. Oqıǵanyń anyq-qanyǵyn bilý maqsatynda «Shymbulaq» taý-shańǵy kýrortynyń baspasóz qyzmetine habarlasqan edik.

Kýrorttyń baspasóz qyzmeti vıdeo Shymbulaqta túsirilmegenin habarlady.

«Bul vıdeo shamamen bir jyl buryn Japonııanyń taý-shańǵy kýrortynda túsirilgen. Ony sol jerdegi taqtaılar men aýmaqtaǵy jazýlardan da baıqaýǵa bolady», - dep habarlady «Shymbulaq» taý-shańǵy kýrortynyń baspasóz qyzmeti.

Eske salsaq, qańtar aıynda «Shymbulaq» taý kýrortynda uzyn-sonar kezek shyǵyp, onyń vıdeosy jelige taraǵan edi.