Shymbulaqta qysqy maýsym 7 jeltoqsan kúni ashylady

<p>ALMATY. KAZINFORM &mdash; 7 jeltoqsan kúni Shymbulaq taý-shańǵy kýrortynda resmı túrde qysqy maýsym ashylady. Al 23 qarasha kýrorttyń tehnıkalyq ashylýy bolady.</p>

— Bul maýsymda Shymbulaq qonaqtarǵa arnap túrli jańashyldyqtar daıyndady, olardyń arasynda- jańa trassalar, jańa demalys zonalary, kúsheıtilgen qaýipsizdik sharalary jáne álemdik deńgeıdegi sharalar bar, — dep habarlady kýrort ákimshiligi.

Sondaı-aq Shymbulaq baspasóz qyzmeti qysqy maýsymda josparlanǵan sporttyq sharalardyń kestesin jarııalady:

• 7 jeltoqsan — merekelik baǵdarlamamen maýsymnyń resmı ashylýy.
• 4-11 qańtar — Shymbulaqta alǵash ret Shańǵy sportynyń Halyqaralyq federatsııasy (FIS) uıymdastyratyn ıýnıorlar arasyndaǵy álem chempıonaty ótedi. Búkil álemnen kelgen jas sportshylar «mogýl» jáne «shańǵy akrobatıkasy» baǵyttary boıynsha óz qabiletterin kórsetedi.
• 26 aqpan-2 naýryz — FIS frıstaıl boıynsha Álem kýbogynyń kezeńi ótedi.
• 13-18 naýryz — Shymbulak Freeride WeekQualifier — frıraıd boıynsha álemdik saıystar serııasynyń bir bóligi bolady. Bul týrnırge álemniń tájirıbeli raıderleri qatysady, olar eki jáne úsh juldyz sanattary boıynsha synǵa túsedi.

Eske salaıyq, buǵan deıin 2 qarasha kúni «Medeý» muz aıdyny ashylǵanyn jazǵanbyz.