Shymbulaqta halyqtyń uzyn-sonar kezegi paıda boldy

<p>Áleýmettik jelide "Shymbulaq" taý kýrortynda uzyn-sonar kezek kórsetilgen vıdeo shyqty, dep habarlaıdy <a href="Kazinform" target="_blank" rel="noopener">Kazinform</a>.</p>

"Demalystaǵy Shymbulaq - júıkesi álsizder baratyn jer emes", – dep jazylǵan vıdeodaǵy jazbada.

Osyǵan baılanysty "Shymbulaq" taý-shańǵy kýrorty túsinik berdi.

"Qurmetti qonaqtar, túski ýaqytta kólik qozǵalysy kóbeıetindikten, kýrortqa aldyn ala kelýlerińizdi suraımyz. Aspaly jolǵa otyrý úshin kezek bar. Saǵat 15:00-18:00 aralyǵynda qonaqtar aǵyny kóbeıedi.

Kýrorttyń ahýaly týraly aqparatty bizdiń onlaın kameralarymyzdan kóre alasyz. Joǵary maýsymda osy ýaqytsha ózgeristerdi eskerińiz. Bul qonaqtar aǵynyn teńestirýge qajet shara", - dep habarlady "Shymbulaq" taý shańǵy qýrorty.

Taý-shańǵy kýrorty sondaı-aq 2 qańtardaǵy jumysy týraly habarlady.

"Kýrort 8:30-dan 00:00-ge deıin jumys isteıdi. Kúndiz-túni shańǵy tebýińizge bolady.

2 qańtar kúni 2 tarıf bolady: tańǵy jáne tolyq tarıf.

Tańǵy tarıf (tańerteńgi kún) 8:30-dan 13:30-ǵa deıin (tómen túsý 13:30-ǵa deıin) jaramdy.
Tolyq kúndik tarıf 8:30-dan 17:00-ge deıin jaramdy (tómen túsý 00:00-ge deıin)", - delinedi habarlamada.

Baspasóz qyzmeti 3 qańtardaǵy jaǵdaı boıynsha aqparat keıinirek jańartylatynyn aıtty.

Eske salaıyq, «Shymbulaq» taý kýrorty SKI BUSINESS AWARDS nusqasy boıynsha 2023 jylǵy úzdik taý shańǵysy kýrorty atanǵan bolatyn.