Shylym shegý aryqtaýǵa kómektespeıdi – zertteý

<p>ASTANA. KAZINFORM &mdash; Kopengagen ýnıversıtetiniń ǵalymdary júrgizgen zertteý temeki shegý artyq salmaqtan arylýǵa kómektesedi dep jıi aıtylatyn mıfti joqqa shyǵardy, dep jazady <a href="https://ru.euronews.com/my-europe/2024/04/10/cube-smoking-thin" target="_blank" rel="noopener">Euronews</a>.</p>

1,5 mıllıon eýropalyq shylym shegetinder arasynda júrgizilgen zertteý nátıjesi temeki shegý ishtegi maıdy arttyratynyn kórsetti.

Shylym shegýdi qoıǵan adamnyń aǵzasy burynǵyǵa qaraǵanda kalorııany baıaý jaǵa bastaıdy, al bul salmaqtyń ósýine ákeledi.

Degenmen, zertteý temeki shegýdi jalǵastyrý da adamdy symbatty etpeıtini anyq ekenin kórsetti. Shylym shegý ishtegi maıdy, ásirese vıstseraldy maı kólemin arttyratyny anyqtaldy.

Іshtegi zııandy maı júrek-qan tamyrlary aýrýlary, qant dıabeti, ınsýlt jáne dementsııa qaýpiniń joǵarylaýyna ákeledi.

Zertteýshiler bul tujyrymǵa temeki shegý jáne semizdik týraly genetıkalyq derekterdi zerttep, adamnyń alkogol tutynýy jáne áleýmettik-ekonomıkalyq mártebesi sııaqty faktorlardy eskere otyryp, ishtegi maıdyń kóbeıýi basqa faktorlarǵa emes, temeki shegýge tikeleı baılanysty ekenine kóz jetkizdi.

Zertteý eýropalyqtardyń genetıkalyq zertteýlerine negizdelgen: oǵan temeki shegýdi bastaǵan 1,2 mıllıon adam jáne 450 myńnan astam tájirıbeli temeki shegýshiler qatysty. Sondaı-aq aǵzasyna maı taraǵan 600 myńnan astam adam zertteýge qatysty.