Shilde aıynda elimizdegi depozıtter 3,3 paıyzǵa ósti
«Bıylǵy shildede bankterdiń jeke kapıtaly 7,2 paıyzǵa, ıaǵnı 5,65 trln teńgege deıin ósti. 2022 jylǵy 1 tamyzdaǵy jaǵdaı boıynsha negizgi kapıtaldyń jetkilikti koeffıtsıenti (k1) 17,6 paıyzdy, menshikti kapıtal (k2) 21 paıyzdy qurady. Bul óz kezeginde bank sektoryndaǵy yqtımal táýekelderdi jaba alady», - delingen QR Qarjy naryǵyn retteý jáne damytý agenttiginiń málimetinde.
2022 jylǵy shildede bank sektorynyń mindettemeleri klıentterdiń salymdaryn 4,8 paıyzǵa 27,7 trln teńgege deıin ulǵaıtý nátıjesinde 2,2 paıyzǵa (35,5 trln teńgege deıin) ósti (mindettemeler qurylymyndaǵy úlesi 78,1%). Bıyldyń basynan beri bankterdiń mindettemeleri 7,2 paıyzǵa artty
«2022 jylǵy shildede rezıdentterdiń depozıtteri 3,3 paıyzǵa 28,1 trln teńgege deıin ulǵaıdy (jyldyń basynan beri ósim - 3,5%). Zańdy tulǵalardyń depozıtteri 4,8 paıyzǵa, 14,5 trln teńgege deıin, jeke tulǵalardyń depozıtteri 1,7 paıyzǵa, 13,6 trln teńgege deıin ósti», - dep atalyp ótken agenttik habarlamasynda.
Sonymen qatar, bıylǵy shildede ulttyq valıýtadaǵy depozıtter 3,1%-ǵa (18,1 trln teńgege deıin, shetel valıýtasynda depozıtter 3,5%-ǵa (9,9 trln teńgege deıin) ósti. Osy oraıda 2022 jyldyń basyndaǵy dollarlaný 36 paıyz bolsa, 1 tamyzdaǵy jaǵdaı boıynsha 35,4 paıyzdy qurady.
Budan buryn habarlanǵandaı, Qazaqstanda bank sektorynyń aktıvteri 40,3 trln teńgeni qurady.