Shyqqanyna 20 jyldan asyp ketken eski mashınanyń kóbi — Almaty oblysynda

<p>ASTANA. KAZINFORM — Shilde aıynda 156,8 myń avtokólik esepke qoıyldy. </p>

Bul kórsetkish ótken jyldyń sáıkes kezeńimen salystyrǵanda 7,4% kem.

Osylaısha, 2024 jylǵy 1 tamyzdaǵy jaǵdaı boıynsha Qazaqstanda tirkelgen avtokólik quraldarynyń sany 5 545,2 myń boldy, onyń ishinde

88% — jeńil avtomobılder

9,9% — júk avtomobılderi

2,1% — avtobýstar.

Tirkelgen jeńil avtomobılderdiń jalpy sanynda shyǵarylǵan jyly boıynsha 20 jyldan asqandar úlesi — 44,2%, 10-20 jyl arasynda — 23,5%, 7-10 jyl bolǵandar — 12,3%, 3 jyldan asqan biraq 7 jyldan kemder — 13,6% jáne shyqqan jyly 3 jyldan tómen kólikter úlesi — 6,2%.

Shyǵarylǵan jyly 20 jyldan asqan jeńil avtomobılderdiń eń kóbi Almaty oblysynda — 324,9 myń, Almaty qalasynda — 189,6 myń, Jambyl oblysynda — 169,4 myń, Qaraǵandy oblysynda — 162,7 myń jáne Shyǵys Qazaqstan oblysynda — 153,8 myń.

Paıdalanatyn otyn túri boıynsha kóliktiń 81,9% benzınmen, 7,5% — aralas otynmen júredi, dızel otynymen qozǵalatyndar úlesi — 7,1%, gaz ballonymen júretin avtomobıldiń úlesi 0,2% qurady, taǵy 0,2% kólik elektr qýaty esebinen qozǵalady.

Ótken jyldyń sáıkes kezeńimen salystyrǵanda toq kúshiniń kómegimen qozǵalatyn jeńil avtomobıl sany 2,3 ese — 4 670-ten 10 674-ke deıin ósken. 

Elektromobılderdiń eń kóbi Almaty qalasynda — 6275, Astana qalasynda — 1351 jáne Almaty oblysynda — 522.