Shıkizattyq emes ónim eksporttaýshylaryn qoldaý sharalary qandaı
«Qazirgi kúrdeli jaǵdaıda shıkizattyq emes eksporttaýshylardy qoldaýdyń proaktıvti saıasatyn júrgizýdemiz. Ótken jyly 300-den astam qazaqstandyq kompanııa bizdiń mınıstrliktiń qoldaýymen sheteldik 50 kórmege qatysyp, 114 mlrd teńgege 63 eksporttyq shartty bekitti», - dedi mınıstr onlaın rejımde halyq aldynda esep berý kezinde.
Onyń sózine qaraǵanda, óńdelgen ónim óndirýshilerine jasalǵan memlekettik qoldaý eki jylda 277 eksportqa negizdelgen kásiporynǵa ózderiniń shyǵyndaryn 6,8 mlrd teńgege tómendetýge múmkindik berdi.
«Osydan únemdelgen qarajatty olar óndiris kólemin arttyrýǵa ınvestıtsııalaıdy. Eksporttaýshylar jeńildikti nesıe men eksporttyq saqtandyrýǵa qol jetkizýde. Tek ótken jyly «QazaqEksport» 100 mlrd teńgege 82 eksporttaýshynyń shartyn saqtandyrdy. Bıyl 40 mlrd teńgege 52 eksporttaýshy qamtyldy. Osy jyly kórsetkishterdi byltyrǵy deńgeıge jetkizýge nıettimiz», - dedi mınıstr.