Shıkizat qoryna úmit artpaı, ózimiz ónim óndirýimiz qajet – depýtat

NUR-SULTAN. QazAqparat – QR Parlamenti Májilisiniń depýtaty Nurjan Áltaev ımportqa táýeldilikti azaıtyp, otandyq ónim kólemin arttyrý máselesin kóterdi, dep habarlaıdy QazAqparat tilshisi.

«Koronavırýs indeti búkil álemdi ózine qaratqan tarıhı oqıǵa bolyp tur. Ol adam shyǵyny men qatar ekonomıkaǵa óz zardabyn tıgizýde. Pandemııa kezinde kóptegen elderdiń ekonomıkalyq problemalary aıqyndala bastady, onyń ishinde bizdiń elde bar. ıAǵnı, karantın men tótenshe jaǵdaı eldegi problemalardy kórsetip berdi. Pandemııa el ekonomıkasyna keri áserin tıgizdi. Árıne ol problemalar pandemııanyń kezinde ǵana paıda bolǵan, burynnan bar tek pandemııa kezinde ol údeıe tústi. Al bizdiń ekonomıkamyzdyń alǵashqy problemasy onyń shıkizat jáne munaı resýrstaryna táýeldiligi. Biz únemi shıkizat qoryna úmit artyp otyrmaýymyz kerek, ónimderdi ózimiz óndirýimiz qajet. Eldi qarapaıym zatpen qamtamasyz etý úshin ony shetelden satyp alamyz. Biz endigi ýaqytta ózimiz óndirýimiz qajet, sebebi pandemııa kezinde shekaralar jabylyp qajetti dúnıe tapshylyǵyn kórdik», - dedi Nurjan Áltaev QR Sybaılas jemqorlyqqa qarsy qyzmeti agenttiginde ótken onlaın konferentsııa barysynda.

Halyq qalaýlysynyń pikirinshe, aldymen ulttyq ekonomıkanyń qaýipsizdigin qamtamasyz etýimiz qajet.

«Biz óndiris qaýipsizdigin qamtamasyz ete otyryp, aldymen elge qajetti degen ónimderdi shyǵarýymyz tıis. Pandemııa kezindegi ekinshi másele ol jemqorlyq pen ashkózdik. Tótenshe jaǵdaı kezinde birigip el bolýdyń ornyna keıbir monopolııalyq uıymdar baǵany kóterip, qoldan tapshylyq jasady. Bunyń artynda sybaılas jemqorlyq tur. Jáne bul suraq ekonomıkaǵa tikeleı qatysty», - dedi ol.