«ShYHO-Qorǵas» keden beketinde deklaratsııalanbaǵan aqshany alyp ótýdiń 4 faktisi anyqtaldy

<p>ASTANA. KAZINFORM &ndash; Bıylǵy jyldń 11-13 naýryzy aralyǵynda, Jetisý oblysy boıynsha Memlekettik kirister departamentiniń &laquo;ShYHO-Qorǵas&raquo; keden beketinde deklaratsııalanbaǵan qolma-qol aqshany Qazaqstannan áketýdiń 4 faktisiniń joly kesildi.</p>

QR QM Memlekettik kirister komıtetiniń baspasóz qyzmeti taratqan málimetterge qaraǵanda, QR azamattary ulttyq valıýtamen alǵanda jalpy somasy 21,4 mln teńgeni quraıtyn qolma-qol aqshany alyp ketpek bolǵan.

Barlyq faktiler boıynsha zań buzýshylar ákimshilik jaýapqa tartyldy.

Qazaqstan Respýblıkasynyń Keden kodeksiniń 343-baby 1-tarmaǵynyń 7) tarmaqshasyna sáıkes, eger EAEO kedendik aýmaǵyna bir ýaqytta ákelý nemese EAEO kedendik aýmaǵynan bir ýaqytta áketý kezinde mundaı qolma-qol aqsha qarajatynyń jáne (nemese) jol chekteriniń jalpy somasy keden organyna jolaýshylarǵa arnalǵan kedendik deklaratsııany usynǵan kúnge qoldanysta bolatyn valıýta baǵamy boıynsha on myń AQSh dollaryna balamaly somadan asyp ketse, qolma-qol aqsha qarajaty jáne (nemese) jol chekteri kedendik deklaratsııalaýǵa jatady.

«Sondaı-aq, QR Prezıdentiniń 2022 jylǵy 14 naýryzdaǵy №830 «Qazaqstan Respýblıkasynyń qarjylyq turaqtylyǵyn qamtamasyz etý jónindegi sharalar týraly» Jarlyǵyna sáıkes 10 000 myń AQSh dollarynan asatyn somada qolma-qol shetel valıýtasyn áketýge tyıym salynǵanyn eske salamyz»,- delingen habarlamada.