Shyǵysqa Reseıden gaz tartylsa, baǵasy qandaı bolady – mınıstr jaýaby

<p>ASTANA. KAZINFORM &ndash; Energetıka mınıstri Almasadam Sátqalıev Qazaqstannyń shyǵys óńirlerine Reseıden gaz tartýdyń naqty jobasy qarasha aıynda belgili bolatynyn aıtty.&nbsp;</p>

«Shynymen de kelissózder júrip jatyr. QazaqGaz ben reseılik «Gazprom» kompanııasynyń arasynda kelisim bar. Siz aıtyp otyrǵandaı gaz qubyry birneshe marshrýtta baǵyttalady. Onyń ishinde Astana, Semeı qalalary da bar. Osy marshrýttarǵa elektr qýatyn berýdiń tehnıkalyq-ekonomıkalyq negizdemesi qarasha aıynda daıyn bolady. Osy negizdemeden keıin qaı stsenarımen júretinimiz týraly sheshim qabyldanady. ıAǵnı, jańa gaz qubyryn tartamyz ba, álde qolda bar qubyrlardy keńeıtý arqyly óńirlerge gaz jetkizemiz be, sony naqtylaımyz. Sondyqtan osy negizdemeniń qorytyndysyn kúteıik. Ol týraly óz kezinde aqparat beremiz», - dedi ol BAQ ókilderimen ótken kezdesýde.

Mınıstr Reseıden tartylatyn gazdyń baǵasy, tarıfi de osy tehnıkalyq-ekonomıkalyq negizdeme daıyn bolǵannan keıin naqtylanatynyn aıtty.

«Tarıf jobanyń ózindik qunyn aqtaýy kerek ekeni túsinikti shyǵar. Gazdyń baǵasy kelisim boıynsha aıqyndalady. Ol Qazaqstan Úkimeti men «Gazprom» arasyndaǵy tikeleı kelissóz arqyly belgilenedi», - dedi Almasadam Sátqalıev.