Shyǵys pen ortalyqta astyq pen et ónimderin Qytaı naryǵyna sertıfıkattaıtyn zerthanalar qurylady

<p>Azııadaǵy ózara is-qımyl jáne senim sharalary keńesiniń segizinshi bıznes forýmynda eldiń shyǵysy men ortalyǵynda astyq pen et ónimderin Qytaı naryǵyna sertıfıkattaıtyn zerthanalar qurylatyny aıtyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

Bul týraly «Atameken» ulttyq kásipkerler palatasynyń tóralqa tóraǵasy Raıymbek Batalov BAQ ókilderiniń saýalyna bergen jaýabynda aıtty.

Palata basshysynyń sózinshe, iskerlik alqada Qazaqstan astyǵyn irgedegi naryqtarǵa jetkizýdiń problemalary da talqylanǵan.

«Mysaly, qazir „Dostyq — Alashankoý“ stansasynda zerthana joq. Biz Qytaı tarapy shekarada zerthana ornatady degen kelisimge qol jetkizdik. ıAǵnı, Qazaqstan men Qytaıdyń birqatar ınvestory bizdiń eldiń aýmaǵynda zerthanaǵa ınvestıtsııa salady. Ol zerthana Qazaqstan astyǵynyń Qytaıǵa barynsha kóp eksporttalýyna jaǵdaı jasaıdy. Bir qarasańyz bul shaǵyn ınvestıtsııa sııaqty kórinýi múmkin. Biraq, mundaı ınvestıtsııalar astyqtyń kólemi men quny eki taraptyń da kóńilinen shyǵýyna septigin tıgizedi», — dedi ol.

Raıymbek Batalov mundaı nysannyń alǵashqysy jyl aıaǵyna deıin jumysyn bastaıtynyn eske saldy.

«Bul zerthana jyl aıaǵyna deıin ornatylady dep esepteımiz. Qytaı tarapy qarasha, jeltoqsan aılarynda aıaqtaýǵa ýáde bergen. Kelesi jyldyń birinshi toqsanyna deıin Qazaqstan aýmaǵynda osyndaı zerthanalar paıda bolady. Qazir naqty sanyn aıtý qıyn. Óıtkeni másele Qytaı ınvestorlarynyń yntasyna baılanysty. Biz 3-4 zerthana týraly ýaǵdalasqanbyz. Onyń biri eldiń shyǵysynda bolady. Sondaı-aq, ońtústik pen ortalyqta da bolady. Ol zerthanalardyń akkredıtatsııasy bolǵany mańyzdy. ıAǵnı, astyq boıynsha da, et boıynsha da jumys isteıdi», — dedi palata basshysy.