Shyǵys Qazaqstannyń qaı aýdandarynda sý tasqyny qaýpi bar

<p>ÓSKEMEN. KAZINFORM &ndash; Shyǵys Qazaqstan oblysynyń birneshe aýdanynda sý tasqyny qaýpi saqtalyp otyr.&nbsp;</p>

ShQO Tótenshe jaǵdaılar departamenti baspasóz qyzmetiniń málimetine súıensek, qazirgi tańda oblys aýmaǵynyń 61%-yn qar alyp jatyr.

«Óńirde daýyldy eskertý jarııalandy. Boljam boıynsha jaýyn-shashyn mol jaýady. Qar belsendi erip jatqandyqtan ózen-kólderde sý deńgeıi kóterilýi múmkin. Oblystaǵy sý qoımalary táýlik boıy baqylaýda», - delingen aqparatta.

Qutqarýshylar qaýipti aımaqtarda turatyn turǵyndarǵa sý tasqyny kezinde ózin-ózi ustaý erejeleri boıynsha nusqaýlyq berýde.

«Rıdder, Shemonaıha qalalary, Katonqaraǵaı, Marqakól, Glýbokoe, Úlken Naryn jáne Altaı aýdandarynda sý tasqyny qaýpi bar. Altaı aýdanynda profılaktıkalyq jumystarǵa QR Tótenshe jaǵdaılar mınıstrligine qarasty №68303 áskerı bóliminiń qyzmetshileri tartyldy. Jalpy sý tasqyny bolýy múmkin aýmaqtardy qosa alǵanda, barlyq yqtımal qaýipter kartasy ázirlengen», - delingen habarlamada.

Eske sala keteıik, buǵan deıin Shyǵys Qazaqstan oblysynda muz astyna túsip ketken eki balyqshy qutqarylǵanyn habarlaǵan edik.