Shyǵys Qazaqstanǵa bir jylda shetelden 15 myń týrıst keldi

<p>ÓSKEMEN. KAZINFORM &ndash; Shyǵys Qazaqstan oblysyna byltyrǵy týrıstik maýsymda shetelden 15 myń meıman kelgen.</p>

Bul týraly ShQO Kásipkerlik jáne ındýstrııalyq-ınnovatsııalyq damý basqarmasy basshysynyń orynbasary Marat Qabaqov málim etti.

«Óńirge bir jyl ishinde basqa elderden 15 myń týrıst kelgen. Bul kórsetkish aldyńǵy jylmen salystyrǵanda 17%-ǵa artyp otyr. Bıyl Buqtyrma demalys bazasyndaǵy joldar jóndelip, demalýshylar úshin jańa arbat salynady», - dedi ol.

2024 jyly oblysqa keletin týrıster edáýir kóbeıedi dep kútilýde. Buǵan Qytaımen aradaǵy vızasyz rejımniń engizilýi sebep. Onyń ústine osy jyl Qytaıda «Qazaqstandaǵy týrızm jyly» bolyp jarııalanǵan.

«Qytaı Halyq Respýblıkasynyń úkimeti jyl ishinde bir mln-ǵa deıin týrıst jiberýge daıyn ekendikterin bildirdi. Negizgi baǵyt – ekologııalyq jáne aýyldyq týrızm», - deıdi Marat Qabaqov.