Shyǵys Qazaqstandaǵy Shemonaıha aýdanyna jańa ákim taǵaıyndaldy

<p>ÓSKEMEN. KAZINFORM &ndash; Shyǵys Qazaqstan oblysyndaǵy Shemonaıha aýdanynyń ákimi bolyp Dıdar Keńesbaev taǵaıyndaldy. Ol buǵan deıin ShQO qurylys, sáýlet jáne qala qurylysy basqarmasynyń basshysy laýazymyn atqarǵan.</p>

Dıdar Muhtarbekuly 1984 jyly Shyǵys Qazaqstan oblysy Ulan aýdany Bozanbaı aýylynda dúnıege kelgen. 2001-2006 jyldary D. Serikbaev atyndaǵy ShQTÝ-da ınjener mamandyǵy boıynsha bilim aldy.

2006 jyldan bastap qurylys salasynda túrli qyzmet atqardy. 2015 jyly memlekettik qyzmetke kirgen. ShQO memlekettik sáýlet-qurylysty baqylaý basqarmasynda bas maman, bólim basshysy boldy.

2018-2019 jyldary Óskemen qalasynyń qurylys bólimi basshysynyń orynbasary laýazymyn atqarǵan. 2019-2021 jyldary atalǵan bólimniń basshysy bolyp eńbek etti.

Al 2021 jyldyń 13 qyrkúıeginen osy ýaqytqa deıin Shyǵys Qazaqstan oblysynyń qurylys, sáýlet jáne qala qurylysy basqarmasynyń basshysy laýazymyn atqarǵan.

Eske salsaq, osyǵan deıin ShQO Kúrshim aýdanyna jańa ákim taǵaıyndalǵany habarlanǵan.